Cultures

Normes de presentación

 

1.- Los trabayos han tener un llargor máximu de 15.000 pallabres.

2.- La llingua principal ye l’asturianu, pero podrán asoleyase trabayos escritos n’otres llingües.

3.- Cultures encargaráse de les correiciones ortográfiques, de puntuación o d’estilu de los trabayos que s’asoleyen. Los autores comprométense a correxir una prueba d’imprenta.

4.- Tolos artículos habrán inxertar el títulu y el nome del autor, qu’axuntará una tarxeta onde se comuniquen señes, teléfonu y/o corréu electrónicu. Inxertaráse igualmente un «Resume» que reflexe les llinies xenerales del conteníu del trabayu, asina como un apartáu de «Pallabres-clave» con un máximu d’hasta cinco pallabres. El «Resume» y les «Pallabres-clave» apaecerán en tolos casos n’asturianu y n’inglés. El títulu conseñaráse tamién n’inglés.

5.- La presentación gráfica del trabayu siguirá les normes xenerales d’estilu que se conseñen darréu:

- El títulu ha escribise con lletra Garamond en negrina, cuerpu 14 y con mayúscula namás al entamu la frase.
- El corpus principal del testu ha dir en lletra Garamond normal, cuerpu 12 ya interlliniáu cenciellu.
- Los títulos o encabezamientos de los apartaos del trabayu marcaránse con lletra blanco versal, con mayúscula namás al entamu la frase. Si hubiere subapartaos nellos, marcaránse con lletra blanco en cursiva.
- Dientro’l testu les pallabres que quieran destacase han dir en cursiva ensin emplegar enxamás lletres mayúscules. Les cites testuales habrán conseñase «ente comines»; si la cita ye curtia pue inxerise dientro’l parágrafu; si ye llarga inxeriráse en parágrafu aparte, sangrada y en lletra de cuerpu 11.
- Tolo referente a mapes, esquemes o cuadros orientativos, organizativos o informativos corresponderáse col estilu xeneral encamentáu pal testu principal. Habrán dir inxertaos nel llugar que-yos correspuenda dientro’l testu o señalaráse ónde han dir asitiaos.
- Pa les notes a pie de páxina han siguise estes mesmes indicaciones.
- Les referencies a un autor conseñáu na bibliografía han facese citando ente paréntesis l’apellíu o apellíos, la fecha d’asoleyamientu y les páxines de la obra, separtando la fecha y les páxines con dos puntos y un espaciu:
Otros, sicasí, deriven de les condiciones de manifiesta inferioridá nel contestu social y nel espaciu y valoración que se-y da dientro’l currículu (Arnáu 2005: 214)
- Les referencies bibliográfiques asitiaránse a lo cabero’l trabayu, según l’esquema que sigue, ordenaos los autores y/o títulos per orde alfabéticu d’apellíos y en lletra de cuerpu 10, con sangría francesa de 0,6 cm y acordies coles marques tipográfiques y la estremación que s’exemplifica darréu:

Revistes:
Cultures. Revista Asturiana de Cultura. Uviéu, ALLA, [1991–].

 

Artículos de revista:
BUCKLEY, Thomas & Alma GOTTLIEB (1988): «A critical appraisal of theories of menstrual symbolism», en Blood Magic. Londres, University of California Press: 3-50.


Llibros:
DOUGLAS, Mary (1975): Implicit meanings. Londres, Routledge & Kegan Paul.
ETXEBESTE OTEGI, Joseba (2012): À cloche pied. Les jeux sportifs, éléments de la socialisation traditionnelle des enfants du Pays Basque. Sarrebruck, Editions Universitaires Europeénnes.
GONZÁLEZ-QUEVEDO GONZÁLEZ, Roberto (2010): La cultura asturiana. Uviéu, Ediciones CH.
Juegos infantiles asturianos (1980). Uviéu, Consejo Regional de Asturias.
JUNQUERA HUERGO, Juan [e.d.]: Diccionario del dialecto asturiano. [Ensin asoleyar, orixinal nos fondos de la Biblioteca de la Fundación Menéndez Pidal (Madrid)].



Contribuciones en llibros:
CHEVALIER, Maxime (2003): «Unas enseñanzas de los Cuentos asturianos de Aurelio de Llano», n’Actes del I Conceyu Internacional de Lliteratura Asturiana (CILLA). Uviéu, 5-6-7 y 8 de payares 2001. Uviéu, ALLA: 15-22.

 

7.- Habrá unviase obligatoriamente copia electrónica del orixinal presentáu. La copia electrónica mandaráse en formatu compatible colos procesadores de testu más al usu pa PC. Los trabayos empobinaránse a:

Cultures
Academia de la Llingua Asturiana

C/ L’Águila 10 – 33003 Uviéu
Apartáu 574 – 33080 Uviéu
e-mail:
alla@academiadelallingua.com
publicaciones@academiadelallingua.com

Normes de presentación en pdf Descargar en PDFCompartirCorreoFacebookTwitter
Cultures,

Revista Asturiana de Cultura

Academia de la Llingua Asturiana
C/ L’Águila 10
33003 Uviéu
ISSN (versión dixital): 2659-837X
ISSN (versión impresa): 1130-7749
Depósitu Llegal: AS 90-1991
© Academia de la Llingua Asturiana